A Casa da Xuventude de Ourense é inaugurada a finais de 1970, é —naquel momento— un centro novedoso, só hai outro semellante en España, e tamén é unha instalación ambiciosa para a época, catro plantas máis polideportivo fan dela unha Casa importante. No resto do país haberá que esperar ás primeiras eleccións municipais, en 1977, para que xurdan as primeiras casas como equipamento para a mocidade, e será a transición a que traia unha xestión democrática á Casa da Xuventude de Ourense, até entón destinada á organización xuvenil da dictadura. Poucos anos despois, en 1979, pactanse uns Estatutos coa administración, daquela o Ministerio de Cultura, nos que se contempla unha xestión compartida, polos usuarios e polos técnicos da Delegación Provincial de Cultura.
Este é o sistema que ainda rexe hoxe a vida e as actividades da Casa da Xuventude, que conta cunha xunta directiva, o Consellode Xestión, presidido por un socio elexido polos demais socios cada dous anos e un equipo de técnicos cun Director ao seu fronte.
Desde entón houbo varias etapas: a primeira cubre a década dos oitenta, na que hai unha certa hexemonía nacionalista e na que se inician unha serie de actividades que continuan no tempo, o Outono Fotográfico, as Xornadas de Banda Deseñada, o Concurso de Contos ou o Maio Xove, a principios dos noventa, a Presidencia e a maioría no Consello de Xestión pasa a mans das Xuventudes Socialistas, a mocidade está nun período de crecente despolitización e será o momento en que se inician os Torneos Internacionais de Xadrez e as competicións de futbol sala, actividades que como as anteriores se siguen a realizar no día de hoxe. Hoxe estaríamos nunha terceira etapa, sen unha clara cor política, cun menor asociacionismo xuvenil.
Nestes anos houbo outras moitas actividades: concertos musicais; teatro, con festivais, grupos, ensaios e actuacións; xornadas de todo tipo: medio ambiente, artesanía, informática, rol, solidariedade, voluntariado; cursos, de arabe, ruso, danza do ventre, kárate, break-dance, cociña, malabares, bailes de salón, guitarra… Torneos de mágic, warkhammer, tenis mesa. Un sin fin de actividades do mais distinto para chegar a todos.
Pola Casa da Xuventude pasaron en distintas actividades, personalidades do mundo da política e da cultura, entre os primeiros: Fernández Laxe, Fraga, Touriño, Quintana, Beiras, Rosa Coutinho, Ruiz Jimenez, Xosé Luis Barreiro, Cisneros, José Blanco, Tamames, Antonio Rosón, Pío Cabanillas, López Besteiro… dos segundos, Xaquín Lorenzo, Ramón Piñeiro, José Afonso, Carlos Casares, Siro, Miguelanxo Prado, Agustín Fernández Paz, Xaquin Marín, Agreda ou Pepe Carreiro.
O Consello de Xestión é a xunta directiva da Casa da Xuventude, ben regulado polos Estatutos que establecen a súa formación, composición e funcións. As súas reunións ordinarias veñen sendo mensuais e son abertas, poden asistir os socios que o desexen que teñen voz, reservandose o voto para os representantes das asociacións e grupos da Casa da Xuventude así como para o Presidente.